Әдістемелік қолдау
Жобалар
Байқаулар - 2022
Мектепке дейінгі ұйымның үздік әдіскері-2022
Әдіскерлердің инновациялық және кәсіби маңызды тәжірибесін анықтау және тарату, мектепке дейінгі білім беру жүйесіндегі мәртебені көтеру және кәсіби имиджді қалыптастыру мақсатында ұйымдастырылған байқаудың республикалық кезеңіне Батыс Қазақстан облысы Орал қаласы, №48«Мұрагер» бөбекжайының әдіскері Сабирова Шолпан Шамұратқызының жұмысы жолданып, байқаудың қорытындысы бойынша Бас жүлдені иеленді.
Мектепке дейінгі тәрбие мен оқыту саласының дамуы жолында мерейлеріңіз үстем, мәртебелеріңіз биік болсын.
Посмотреть эту публикацию в Instagram
Мектепке дейінгі ұйымның үздік педагогы-2022
Мектепке дейінгі ұйымдардың шығармашылықпен жұмыс істейтін педагогтерін қолдау және ынталандыру, тәжірибені және өзін-өзі жүзеге асыру мүмкіндіктерін жетілдіру арқылы кәсіби құзыреттілікті арттыру мүмкіндігін беру мақсатында ұйымдастырылған байқаудың республикалық кезеңіне Батыс Қазақстан облысы Орал қаласы №34 «Балбұлақ» бөбекжайының логопеді Латыпова Нұрсұлу Нұрлыбайқызы қатысып, байқаудың қорытындысы бойынша жүлделі 3 орынды иеленді.
Мектепке дейінгі тәрбие мен оқыту саласының дамуы жолында мерейіңіз үстем, мәртебеңіз биік болсын!
«Мектепке дейінгі ұйымның үздік педагогы» байқауының республикалық кезеңінің қорытындысы
Байқаулар - 2023
«Балаларға базарлық» республикалық байқауы
Балалардың көркем әдебиетімен танысу, педагогтің оқуы, шығармаларды қайталау, талдау арқылы коммуникативтік дағдыларды дамыту үшін оңтайлы жағдайлар жасау мақсатында кітап бұрышын ұйымдастыру бойынша ұйымдастырылған байқаудың республикалық кезеңіне Батыс Қазақстан облысы Ақжайық ауданы «Ақбота» және Тасқала ауданы «Бөбек» бөбекжайларының жұмыстары жолданып, байқаудың қорытындысы бойынша:
1) Батыс Қазақстан облысы Ақжайық ауданы «Ақбота» бөбекжайы - «Үздік мобильді кітапхана»;
2) Батыс Қазақстан облысы Тасқала ауданы «Бөбек» бөбекжайы - «Білгір бала, білімді ата-ана» номинацияларын иеленді.
Мектепке дейінгі тәрбие мен оқыту саласының дамуы жолында мерейлеріңіз үстем, мәртебелеріңіз биік болсын!
«Ана, әже және мен» республикалық байқауы
Мектепке дейінгі ұйымдарда «Аналар мектебі», «Әжелер мектебін» ұйымдастыру бойынша озат тәжірибені жинақтау және тарату, балаларды отбасылық және ұлттық құндылықтарға баулу мақсатында Халықаралық әйелдер күніне орай ұйымдастырылған байқаудың республикалық кезеңіне Батыс Қазақстан облысы Тасқала ауданы «Ақбөпе» және Шыңғырлау ауданы «Болашақ» бөбекжайларының жұмыстары жолданып, байқаудың қорытындысы бойынша:
1) Батыс Қазақстан облысы Тасқала ауданы «Ақбөпе» бөбекжайы - «Үздік ұйымдастырылған шара»;
2) Батыс Қазақстан облысы Шыңғырлау ауданы «Болашақ» бөбекжайы - «Өнегелі әже, тәрбиелі немере» номинацияларын иеленді.
Мектепке дейінгі тәрбие мен оқыту саласының дамуы жолында мерейлеріңіз үстем, мәртебелеріңіз биік болсын!
Байқаулар - 2024
«Өнерім саған-қазақстан!» Республикалық фестивалі
Мектеп жасына дейінгі балаларды ұлттық өнер құралдары арқылы халық шығармашылығының түрлерімен таныстыру мақсатында өткізілген «Өнерім саған-Қазақстан!» республикалық фестивалінің қорытындысы бойынша:
«Үздік би композициясы»» номинациясын – Орал қаласы №38 «Жазира» бөбекжайы;
«Үздік орындаушы» номинациясын - Қаратөбе ауданы «Балдырған» бөбекжайы;
«Үздік мәнерлеп оқу» номинациясын - Бөрлі ауданы №3 «Гүлдер» бөбекжайы иеленді.
Байқау нәтижелері мен жеңімпаздардың материалдары www.irrd.kz сайтына орналастырылды.
Мектепке дейінгі тәрбие мен оқыту саласының дамуы жолында мерейлеріңіз үстем, мәртебелеріңіз биік болсын!
«Өнеріміз саған-Қазақстан!» фестивалін өткізу туралы ақпарат
«Мектепке дейінгі ұйымның жыл әдіскері»
Мектепке дейінгі ұйымдары әдіскерлерінің инновациялық жұмыс тәжірибесін анықтау және тарату, олардың кәсіби деңгейін арттыру мақсатында Қазақстан Республикасы Оқу-ағарту министрлігінің «Балаларды ерте дамыту институты» республикалық мемлекеттік мекемесінің ұйымдастыруымен өткізілген «Мектепке дейінгі ұйымның жыл әдіскері» байқауына Батыс Қазақстан облысы Орал қаласы білім беру бөлімінің №30 «Гүлдер» бөбекжайының әдіскері Туресаева Венера Булатовна қатысып, байқау қорытындысы бойынша «Жаңашыл әдіскер» номинациясын иеленді.
Мектепке дейінгі тәрбие мен оқыту саласының дамуы жолында мерейіңіз үстем, мәртебеңіз биік болсын!!!
Байқаулар 2025
Іс-шаралар - 2022
«Креативтілік. Шығармашылық. Инновация» Шығармашылық аукционы
Білім беруді дамыту орталығының жұмыс жоспарына сәйкес 2022 жылдың 25 қарашасында Орал қаласы №38 «Жазира» бөбекжайы базасында мектепке дейінгі ұйым педагогтерінің жобалық-ізденушілік әдістерді тиімді қолдануда үздік тәжірибені анықтау, озық жобалық жұмыстарды кеңінен насихаттау және тарату, кәсіби шеберліктерінің өсуіне ықпал ету мақсатында «КРЕАТИВТІЛІК. ШЫҒАРМАШЫЛЫҚ. ИННОВАЦИЯ» тақырыбында шығармашылық аукционы ұйымдастырылды. Аукционға 11 педагог қатысты.
Шығармашылық аукционға ұсынған педагогтердің жобаларын көрермендер бағалау парақтарына бағалап, электронды Google кестесіне толтырып, қорытындысында жинаған ұпайларына сәйкес жеңімпаздар анықталды:
І орын – «Макулатураны тапсырыңыз – ағашты сақтаңыз!» жобасы, Тасқала ауданы «Бөбек» бөбекжайының тәрбиешісі Тойлыбаева Каламкас Шалькибековна;
ІІ орын - «Сурет салуда дәстүрден тыс әдіс-тәсілдер мен Триз инновациялық технологиясын қолдану» жобасы, Сырым ауданы «Балдырған» бөбекжайының сурет салу пәнінің мұғалімі Тулекова Венера Муратовна;
ІІІ орын – «Әжемнің асыл мұрасы» жобасы, Қаратөбе ауданы Шөптікөл «мектеп-бөбекжай-балабақша» кешенінің тәрбиешісі Кадыргожина Айгул Жетпискалиевна;
«Үздік инновациялық жоба» номинациясы - «Ойын – ой өсіреді» жобасы, Теректі ауданы Социализм негізгі орта мектебінің мектепалды сыныбының тәрбиешісі Уразгалиева Айгүл Тыныштыбайқызы;
«Креативті жобалық жұмыс» номинациясы - «Деркөл өзенінің экологиясы» жобасы, Орал қаласы №32 «Колокольчик» бөбекжайының әдіскері Жанабаева Жанар Танжарбаевна.
Жеңімпаздар Білім басқармасы Білім беруді дамыту орталығының Диплом, Грамота және бағалы сыйлықтарымен марапатталды.
«Мектепке дейінгі жастағы балалардың дамуындағы инновациялық трендтер»
2022 жылдың 28 қазанындаБілім беруді дамыту орталығының жұмыс жоспарына сәйкес Орал қаласы білім беру бөлімінің №47 «Бәйтерек» бөбекжайы МКҚК базасында «Мектепке дейінгі жастағы балалардың дамуындағы инновациялық трендтер»тақырыбыменоблыстық семинар ұйымдастырылды.
«Бәрін білгім келеді» интеллектуалдық дамыту зертханасы жобасы аясындағы эксперимент алаңдарының және Орал қаласының білім беру бөлімі, мектепке дейінгі ұйым желілік қауымдастықтарының тәжірибе алмасуы, педагог қызметкерлердің кәсіби құзіреттіліктерін көтеру мен біліктіліктерін арттыру мақсатында өткізілген іс-шараға аудандық (қалалық) білім беру бөлімдерінің әдіскерлері, облыстық интеллектуалдық дамыту зертханасына жауапты педагогтері, мектепке дейінгі ұйымдардың меңгерушілері,әдіскерлері, тәрбиешілеріқатысты. Барлығы - 44 педагог.
«Мектепке дейінгі жастағы балалардың дамуындағы инновациялық трендтер» тақырыбындағы облыстық семинарбөбекжай бүлдіршіндері мен «Көңіл ашар» ансамблініңсазды сәлемдемесімен басталды.
Семинар барысында «Арай», «Арман», «Бастау», «Бірлік», «Өрлеу», «Парасат» қалалық мектепке дейінгі ұйымдар желілік қауымдастықтарының және облыстық интеллектуалдық дамыту зертханасының педагогтері өз жұмыстарын шеберлік сыныптар арқылы көрсетті. Шеберлік сыныптар соңында қатысушылар интеллектуалдық дамыту зертханасының жұмысын дамыту бағытында өзара пікір алмасып, әсерлерімен бөлісіп, оң бағасын берді.
Семинар музыка жетекшілерінің орындауындағы «Арнау» әнімен аяқталды.
«Әдістемелік қолдау педагогтің кәсіби өсуінің ресурсы ретінде» облыстық съезі
⚜️2022 жылдың 10 наурызында Білім басқармасы Білім беруді дамыту орталығының ұйымдастыруымен Орал қаласындағы №50 «Заңғар» бөбекжай базысында «Әдістемелік қолдау педагогтің кәсіби өсуінің ресурсы ретінде» мектепке дейінгі тәрбие мен оқыту педагогтерінің облыстық съезі өтті.
⚜️Съездің негізгі мақсаты: Мектепке дейінгі тәрбие мен оқытуды жүзеге асыру бойынша әдістемелік қолдау көрсету, педагогикалық озат тәжірибе алмасу алаңын құру болып табылады.
⚜️ шараға аудандық (қалалық) білім беру бөлімдерінің әдіскерлері, (мемлекеттік, жеке) мектепке дейінгі ұйымдардың меңгерушілері, әдіскерлері мен педагогтері қатысты.
⚜️Съезд барысында бөбекжай бүлдіршіндері сазды сәлемдемесін жолдаса, Білім басқармасы басшысының орынбасары С.Темірғалиева алғы сөз алып, қатысушыларға шараның сәтті өтуіне тілегін білдірді.
⚜️Шараның ақпараттық аланыңда Көкшетау қаласында өткен «Заманауи мектепке дейінгі тәрбие мен оқыту: үрдістері, мәселелері, келешегі» тақырыбындағы Республикалық съезд қатысушыларына сөз беріліп съезд туралы ақпараттарын ұсынды.
⚜️«Мектепке дейнгі ұйымды мемлекеттік аттестациялау:өзін-өзі бағалауын ұйымдастыру мен анықтаманың жазылу тәртібі» тақырыбында Білім саласында сапаны қамтамасыз ету департаментінің білім сапасын сырттай бағалау бөлімінің бас маманы Н.Ғұмарова, «Ұлттық білім беру деректер қоры: нұсқаулық және толтыруы» Ақжайық ауданы «Балбөбек» бөбекжайының әдіскері С.Сиражева, «Мектепке дейінгі ұйымдағы педагог-психолог жұмысының ұйымдастырылуы» Орал қаласы №17 «Родничок» бөбекжайының педагог-психологі С.Хайруллина, «Заттық-кеңістік дамытушы ортаны ұйымдастыруға қойылатын талаптар» Орал қаласы №50 «Заңғар» бөбекжайының әдіскері А.Зулкашева мектепке дейінгі тәрбие мен оқыту жүйесіндегі бірқатар өзекті мәселелерге тоқталып, баяндама жасады.
⚜️Съезд қатысушыларын тәжірбие алмасу алаңдарына бөліп, «Интеллектуалдық ойын көрінісі – робототехниканың мүмкіндігін қолдану», «Асық - мектеп жасына дейінгі балалардың ой-өрісін дамыту құралы», «Балалардың дене қимылын дамытуда дәстүрлі емес құралдарды қолдану», «Ойын – баланың негізгі әрекеті және дамытудың негізгі құралы», «Мектеп жасына дейінгі балаларды тәрбиелеу мен оқытуда Марблс тастарын дәстүрлі емес ойын әдістерінің бірі ретінде қолдану», «Мектеп жасына дейінгі білім беру үдерісіне 4К моделін тиімді кіріктіру жолдары», «Смарт мақсат – нақты нәтиже», «Мектепке дейінгі ұйымдағы оқу-тәрбие жүйесін әдістемелелік тұрғыдан бақылау және басшылық ету», «Балабақша мен мектеп арасындағы сабақтастықты ұйымдастыру» тақырыптарында коучинг, шеберлік сыныптары өткізілді.
⚜️Съезд жұмысында мектепке дейінгі тәрбие мен оқыту жүйесін дамыту бағыттары, мектепке дейінгі білім беру педагогтерінің кәсіби және тұлғалық өсуі, балабақша мен мектеп арасындағы сабақтастығы және басқа да мәселелер жан-жақты талқыланды.
⚜️Мектепке дейінгі тәрбие мен оқыту жүйесі педагогтерінің съезд жұмысының қорытындысы бойынша келесі ұсыныстар қабылданды:
1. Мектепке дейінгі тәрбиелеу мен оқытуды дамыту моделін іске асыруды әдістемелік сүйемелдеу.
2. Мектепке дейінгі ұйымдардың мемлекеттік аттестациядан өту бағытындағы дайындық жұмыстарын жүргізуді, өзін-өзі бағалауын ұйымдастыру мен анықтаманың жазылу тәртібінің сақталуын қатаң басшылыққа алу.
3. Мектепке дейінгі ұйымдарда педагогикалық-психологиялық қолдау жұмыстарын жүйелі жүргізуді қадағалау.
4. Балабақша мен мектеп арасындағы сабақтастықты қамтамасыз ету.
5. Мектеп жасына дейінгі балаларды тәрбиелеу мен оқытуда инновациялық технологияларды кеңінен қолдану.
⚜️ Шара соңыңда қатысушылар өзара пікір алмасып, көкейтесті сауалдарына жауап алып, ұсыныстарын жеткізді.
⚜️ Әдістемелік шара аудандық (қалалық) білім беру бөлімдерінің ұйымдастыруымен жалғасын табады.
Іс-шаралар - 2023
Аймақтық форсайт кездесу шеңберіндегі «экоsteam ғажайыптары» семинар-практикумы
Батыс Қазақстан облысы Білім басқармасының Білім беруді дамыту орталығының 2023 жылға арналған жұмыс жоспарына сәйкес ағымдағы жылдың 18 мамыр күні жас ұрпақты қоршаған ортаның экологиялық жай-күйін зерттеу, табиғатты қорғау міндеттерін шешуде практика жүзінде қатысуға тарту, білім алушылардың экологиялық мәдениетін арттыру мақсатында өткізілген «EСOBATYS: ЭКОЛОГИЯЛЫҚ ЖОБАЛАР НАВИГАТОРЫ» аймақтық форсайт кездесу шеңберінде Орал қаласы №48 «Мұрагер» бөбекжайы базасында «ЭКОSTEAM ғажайыптары» тақырыбында семинар-практикум ұйымдастырылды.
Семинарға Ақтөбе, Атырау, Маңғыстау, Батыс Қазақстан облысының мектепке дейінгі тәрбие мен оқыту саласының педагогтері қатысты.
Семинар «Өнерлі балақай!» бүлдіршіндердің сазды сәлемдемесімен ашылып, «Жаңа модельге бағытталған жаңа бастамалар» бөбекжай жұмысының таныстыруымен жалғасты. Семинар барысында «Әкенің тәрбиесі – балаға 100 жылдық азық» «Кемеңгер әкелер» клубының жұмысы, «Жер-ортақ үйіміз!», «Жас эколог сақшылары», «STEAM зертханасының ғажайыптары», «Бау-бақша - береке бастауы» танымдық кіріктірілген ұйымдастырылған іс-әрекеттері, «Кішкентай зерттеушілер» жобасы аясында зерттеу жұмыстары өткізілді. Сонымен қатар, «Робототехника әлемінде», «Жануарлар әлемінде», «EСO Package – шығармашылыққа жаңа көзқарас», «Кәсіби өсу мектебі», «Балабақшада инновациялық-экологиялық жоба», «Маленький Эко-герой нашего большого города» жобалары аясында шеберлік-сыныптары, «Метеоаймақта қызықты бақылау» бақылау жұмысы көрсетіліп, қатысушылар өзара іс-тәжірибелерімен бөлісті. Практикум соңында «Бөбекжайға 10 жыл» бөбекжай саябағына тал отырғызылып, өткізілген шараға оң баға берілді.
«Бастамадан – нәтижеге дейін» Pitch cессияcы
Білім беруді дамыту орталығының жұмыс жоспарына сәйкес 2023 жылдың 3 мамыр күні Орал қаласы білім беру бөлімінің №50 «Заңғар» бөбекжайы МКҚК базасында «Бастамадан – нәтижеге дейін» тақырыбында pitch cессия іс-шарасы ұйымдастырылды.
«Бәрін білгім келеді» интеллектуалдық дамыту зертханасы жобасы аясындағы эксперимент алаңдарының тәжірибе алмасуы, педагог қызметкерлердің кәсіби құзіреттіліктерін көтеру мен біліктіліктерін арттыру мақсатында өткізілген іс-шараға облыстық интеллектуалдық дамыту зертханасының және жеке мектепке дейінгі ұйымдарының педагогтері қатысты. Барлығы – 109 педагог.
«Бастамадан – нәтижеге дейін» pitch cессия барысында «Ұлттық құндылықтар – тәрбиенің түп қазығы», «Мектеп жасына дейінгі баланың дамуындағы жетекші қызмет түрі - ойын», «Табысқа жету жолы: шығармашылық қызметті дамыту», «Педагогикалық технологиялардың бірі – денсаулық сақтау технологиялары», «Экологиялық тәрбие – болашақ кепілі» тақырыптарындағы бес тәжірибелік алаңдарында 44 мектепке дейінгі ұйым өз іс-тәжірибелерімен бөлісті.
Рitch cессия іс-шарасының соңында қатысушылар әр жұмысты 10 баллдық жүйемен бағалап, үздік жобаларды анықтады. Тәжірибелік алаңда іс-тәжірибесімен бөліскен мектепке дейінгі ұйымдарға сертификаттар табысталды.
«Мектепке дейінгі тәрбие мен оқыту мазмұнын сапалы жаңартудың қадамдары» облыстық семинары
Мектепке дейінгі тәрбие мен оқытуды жүзеге асыру бойынша әдістемелік қолдау көрсету, педагогикалық тәжірибе алмасу алаңын құру масатында Білім басқармасы Білім беруді дамыту орталығының жоспарына сәйкес 2023 жылдың 2-3 ақпан күндері Орал қаласы «Хиуаз Доспанова атындағы №30 жалпы орта білім беретін мектебі» КММ базасында «Мектепке дейінгі тәрбие мен оқыту мазмұнын сапалы жаңартудың қадамдары» тақырыбында облыстық семинар ұйымдастырылып өткізілді.
Семинарға аудандық (қалалық) білім беру бөлімдерінің мектепке дейінгі тәрбие мен оқыту саласы бойынша әдіскерлері, (мемлекеттік, жеке) мектепке дейінгі ұйымдардың меңгерушілері, «мектеп-балабақша-бөбекжай» кешендері, шағын орталық және мектепалды сынып педагогтері қатысты.
Семинар барысында Батыс Қазақстан облысы білім басқармасының басшысы А.Мыңбаева алғы сөз алып, семинар қатысушыларына сәттілік тілеп, мектепке дейінгі ұйымдардың алдында нақты міндеттерін тұрғанын, ол ұсынылған қызметтердің сапасын мемлекеттік нормалар мен стандарттарға, сондай-ақ тұтынушының сұранысына сәйкес қамтамасыз ету болып табылатынын атап өтті.
Семинардың бірінші күні ақпараттандыру алаңында нормативті-құқықтық құжаттар бойынша түсіндірме жұмыстары, психологиялық қолдау, құқық бұзушылықтың алдын-алу, педагогикалық әдеп принциптерін сақтау, ҰББДҚ толтыру, педагогтермен жұмыстар жүргізу, педагогтердің білімдері мен біліктіліктерін көтеру бағытында баяндамалар оқылып, тәжірибе алмасу алаңында мектепке дейінгі ұйым меңгерушілері өз тәжірибелерімен бөлісті. 2023 жылы мемлекеттік аттестациядан өтетін мектепке дейінгі ұйымдарымен сұхбаттасу алаңы ұйымдастырылып, өзін-өзі бағалау өлшем шарттары талқыланып, туындаған сұрақтар бойынша түсіндірме жұмыстары жүргізілді.
Семинардың екінші күні «Bilim Media Group» компаниясының мектепке дейінгі білім беру бойынша контент әзірлеу департаментінің маманы С.И.Темірғалиева педагогтерге әдістемелік көмек көрсету, балабақша жұмысын цифрландыру, ұйымдастырылған іс-әрекетінің барысында тиімді әдіс-тәсілдерді енгізу және қолдану мақсатында жұмыс жасайтын BilimKids порталының қызметі бойынша «Мектепке дейінгі ұйымдардың білім беру ортасының трансформациясы» тақырыбы бойынша баяндап, түсіндірме жұмыстарын жүргізді.
Аудандық (қалалық) білім бөлімдері әдіскерлерінің қатысуымен «Әдістемелік қызмет: жетілдіру жолдары мен кәсіби дамыту мүмкіндіктері» дөңгелек үстелінде «2022 жылдың мектепке дейінгі тәрбие мен оқыту саласының қорытындысы» талқыланып, «COLLABORATION» мобильді топтар» жобасы таныстырылып, мектепке дейінгі тәрбиелеу мен оқыту сапасын жақсарту бағытында мақсат міндеттер белгіленді.
Семинар қорытындысында мектепке дейінгі тәрбие мен оқыту саласын жетілдіру бойынша ұсыныстар қабылданып, «Еркін микрофон» алаңында қатысушылар өзара пікір алмасып, өткізілген шараға оң баға берді.
Іс-шаралар - 2024
Ұлттық құндылық – тәрбиенің қайнар көзі СЕМИНАР
«COLLABORATION» МОБИЛЬДІ ТОПТАР ЖОБАСЫ АЯСЫНДАҒЫ ШАРАЛАР
Батыс Қазақстан облысы бойынша «Әркімге қолжетімді сапалы білім» ұлттық баяндамасын іске асыру Жол картасын орындау шеңберінде Білім беруді дамыту орталығының ұйымдастыруымен 2024 жылдың 29 наурыз күні Орал қаласы Балалар шығармашылық орталығы базасында «COLLABORATION» мобильді топтар жобасы аясында «Ұлттық құндылық – тәрбиенің қайнар көзі» тақырыбында облыстық семинар оздырылды.
Семинарға облыстық, аудандық, қалалық әдістемелік кабинеттер жанынан тәжірибелі педагогтерден құрылған «COLLABORATION» жобасына қатысушы мобильді топтар, жеке МдҰ, шағын орталық, мектепалды сынып педагогтері қатысты. Барлығы 212 педагог.
Семинардың мақсаты: өскелен ұрпақты тәрбиелеуде ұлттық құндылықтарды дәріптеу, тәлім-тәрбиенің түп қазығына айналдыру және озық педагогикалық тәжірибелерді насихаттау.
Іс-шара барысында Орал қаласының мектепке дейінгі ұйымдарының 6 желілік қауымдастығы мектепке дейінгі жастағы балаларға ұлттық құндылықтарымызды бойларына қалыптастыру, өз еліне, мәдениеті мен салт-дәстүрлеріне қызығушылықтары мен сүйіспеншіліктерін арттыру мақсатында тәжірибелерінде қолданып жүрген жұмыстарын таныстырды. Әр желілік қауымдастық түрлі шеберлік сыныптар, танымдық, интеллектуалдық ойындар, ата-анамен жұмыс, ұлттық ойындар шеруін, шығармашылық шеберханасын, ұлттық ойындар қоржынын, жас аналар байқауын қатысушылармен ұйымдастырып, тәжірибелерімен бөлісті.
Семинар соңында рефлексия өткізіліп, ұсыныстар мен тілектер түрінде кері байланыс жасалды. Желілік қауымдастықтар Білім беруді дамыту орталығының Алғыс хаттарымен марапатталды.
Посмотреть эту публикацию в Instagram
Шеберлік шыңы Шығармашылық ШЕБЕРХАНАСЫ
«Collaboration» мобильді топтар жобасы аясындағы шаралар
Батыс Қазақстан облысы бойынша «Әркімге қолжетімді сапалы білім» ұлттық баяндамасын іске асыру Жол картасын орындау шеңберінде Білім беруді дамыту орталығының ұйымдастыруымен 2024 жылдың 23 мамыр күні Теректі ауданы «Бәйтерек» бөбекжайы базасында «COLLABORATION» мобильді топтар жобасы аясында «Шеберлік шыңы» тақырыбында облыстық педагогикалық шеберханасы оздырылды.
Семинарға облыстық, аудандық, қалалық әдістемелік кабинеттер жанынан тәжірибелі педагогтерден құрылған «COLLABORATION» жобасына қатысушы мобильді топтар қатысты. Барлығы 70 педагог.
Іс-шара барысында Теректі ауданының мектепке дейінгі ұйымдарының педагогтері мектеп жасына дейінгі балалардың коммуникативтік, шығармашылық, танымдық қабілеттерін арттыру, әлеуметтік-эмоционалдық дағдыларын қалыптастыру, баланың зияткерлігін дамыту мақсатында тәжірибелерінде қолданып жүрген жұмыстарын таныстырды. Әр мектепке дейінгі ұйым түрлі шеберлік сыныптар, танымдық, интеллектуалдық ойындар, ата-анамен жұмыс, ойындар шеруін, шығармашылық шеберханасын қатысушылармен ұйымдастырып, тәжірибелерімен бөлісті.
Семинар соңында рефлексия өткізіліп, ұсыныстар мен тілектер түрінде кері байланыс жасалды.
